დღეს ჩემს კოლეგასთან მარიანა ხუნძაყიშვისთან ერთად დავიწყეთ სასწავლო კურსის „დაწყებითი პედაგოგიკა – პერსონალური, ემოციური და სწავლის კომპეტენციის (II)“ სწავლება. როგორც მოსალოდნელი იყო ლექცია ძალიან საინტერესოდ წარიმართა. მოცემულ სემესტრში ჩვენ ფოკუსირებული ვართ პირველ სემესტრში ნასწავლი მასალის პრაქტიკაში გამოყენების სწავლებაზე, თუ როგორ გამოიყენონ სტუდენტებმა ნასწავლი პედაგოგიური საქმიანობის დროს და ასევე, როგორ გადასცენ ცოდნა მოსწავლეებს. ლექციის ფარგლებში მნიშვნელოვანი აქცენტი გაკეთდა ბავშვთა უფლებების დეკლარაციაზე და მისი სასკოლო ცხოვრებაში გამოყენების დეტალებზე.
ხსენებული სასწავლო კურსი „დაწყებითი პედაგოგიკა – პერსონალური, ემოციური და სწავლის კომპეტენცია“ წარმოადგენს მთელი სიცოცხლის მანძილზე სწავლის საკვანძო კომპეტენციების ბლოკის ერთ-ერთ შემადგენელ საგანს.