ალუდა გოგლიჩიძე

ალუდა გოგლიჩიძე არის კომპანია წარმატების პლატფორმა-საქართველოს დამფუძნებელი და დირექტორი, მოძრაობა მერიტოკრატიისთვის დაფუძნების ინიციატორი და კავკასიის უნივერსიტეტის აფილირებული ასოცირებული პროფესორი. აკადემიურ სფეროში საქმიანობს 1997 წლიდან, არის არა ერთი ახალი სასწავლო კურსის შექმნის ავტორი და განმხორციელებელი კონფლიქტების მართვის, მშვიდობის მშენებლობის, განათლების პოლიტიკის, განათლების მენეჯმენტის და სხვა თემებზე. ის ასევე იყო კავკასიის განათლების სკოლის დაფუძნების მონაწილე და დეკანი (2019-2025), რომლის ავტორობითა და ხელმძღვანელობით შეიქმნა კავკასიის განათლების სკოლის დაწყებითი პედაგოგიკის საბაკალავრო-სამაგისტრო, განათლების მენეჯმენტისა და განათლების პოლიტიკის სამაგისტრო პროგრამები. ალუდა აქტიურად იყო ჩართული დამოუკიდებელი საქართველოს არასამთავრობო სექტორისა და ახალგაზრდული პოლიტიკის ფორმირების პროცესში, იყო საქართველოს გაეროს მხარდამჭერი პირველი რეგისტრირებული ახალგაზრდული არასამთავრობო ორგანიზაციის „ახალგაზრდული გაეროს – საქართველოს ქსელის“ დამფუძნებელი და პრეზიდენტი. 90-იან წლებში ის აქტიურად იყო ჩართული კავკასიის მასშტაბით ახალგაზრდულ სამშვიდობო მოძრაობაში. ალუდას აქვს არასამთავრობო, კერძო და საჯარო სექტორში წარმატებული საქმიანობის გამოცდილება. მუშაობდა აკადემიკოს ი. ვეკუას სახელობის ფიზიკა-მათემატიკის ქ. თბილისის #42 საჯარო სკოლის დირექტორად (2007-2012), განათლებისა და მეცნიერების მინისტრის მოადგილედ (2021-2013), თბილისის მერის მოადგილედ/ განათლების კურატორი (2014-2015). ის ასევე არის არაერთი სასწავლო პროგრამის, პროექტის, კვლევის, გამოცემის, სტრატეგიული და პოლიტიკის დოკუმენტის ავტორი/თანაავტორი და განმახორციელებელი.