საერთაშორისო კონფერენცია „ევროკავშირის გაფართოება: პრაქტიკა და გამოწვევები“

9-10 ოქტომბერს მონაწილეობას მივიღებ საერთაშორისო კონფერენციაში „ევროკავშირის გაფართოება: პრაქტიკა და გამოწვევები“, რომელსაც კავკასიის უნივერსიტეტი მასპინძლობს. კონფერენცია ტარდება Erasmus+ ჟან მონეს კათედრის „ევროკავშირი მშვიდობის, კეთილდღეობისა და უსაფრთხოებისათვის“ (EU-PPS) ინიციატივის ფარგლებში, კავკასიის უნივერსიტეტის ჰუმანიტარულ და სოციალურ მეცნიერებათა სკოლასთან თანამშრომლობით და ევროკავშირის თანადაფინანსებით.

კონფერენციაზე მე და ჩემი კოლეგა მაია ზიბზიბაძე, კავკასიის უნივერსიტეტის აფილირებული ასოცირებული პროფესორი, წარვადგენთ ნაშრომს „ღირებულებითი და სამშვიდობო განათლების ევროპული გამოცდილების ინტეგრირება კავკასიის უნივერსიტეტის დაწყებითი პედაგოგიკის პროგრამაში“, რომელშიც გაანალიზებულია Erasmus+ უმაღლესი განათლების შესაძლებლობების განვითარების პროგრამის (CBHE) ფარგლებში შემუშავებული PROVE („Peace and Values Education in Teacher Education“) პროექტის გამოცდილება, რომელიც სამხრეთ კავკასიაში ღირებულებითი და სამშვიდობო განათლების ხელშეწყობას ემსახურება.