გასვლითი ლექცია ამონაშვილის აკადემიაში (მზიანეთი, ბუშეტი)
14 დეკემბერს ჩატარდება კავკასიის უნივერსიტეტის განათლების სკოლის დაწყებითი პედაგოგიკის სტუდენტების გასვლითი ლექცია ბუშეტში/მზიანეთში ამონაშვილის აკადემიაში ჰუმანური პედაგოგიკის სასწავლო დისციპლინის ფარგლებში…
ჩემთვის ძალიან საამაყოა ის ფაქტი, რომ 2020 წელს კავკასიის უნივერსიტეტმა შალვა ამონაშვილი საპატიო დოქტორად ავირჩიეთ, რაც იყო ბ-ნი შალვას უდიდესი ღვაწლის და შრომის მოკრძალებული აღიარება და დაფასება…
იმავე წელს მე ვესტუმრე ბ-ნ შალვას ბუშეტში და გავუზიარე ჩემი ხედვა და სურვილი, რომ ჰუმანური პედაგოგიკა გამხდარიყო პედაგოგიკის პროგრამების ფორმალური და განუყოფელი ნაწილი და ეს ჩანაფიქრი ჩვენმა გუნდმა 2025 წლის აგვისტოში რეალობად ვაქციეთ, რეაკრედიტირებულ პროგრამაში ჰუმანური პედაგოგიკა უკვე ოფიციალურადაა ასახული, რომელსაც უძღვებიან პაატა ამონაშვილი, დოქტორი, პროფესორი, ჰუმანური პედაგოგიკის საერთაშორისო ცენტრის პრეზიდენტი და მარიამ დავითინიძე, ამონაშვილის აკადემიის თანადამფუძნებელი.
სემესტრის ბოლოს უკვე სტუდენტებს აქვთ უდიდესი პრივილეგია ესტუმრონ ამონაშვილის აკადემიას ბუშეტში გასვლითი ლექციის ფარგლებში… სტუდენტების გამოხმაურება ნათლად აჩვენებს, რომ ხუთი წლის უკან ჩაფიქრებული გეგმა სწორი და აუცილებელი იყო, ჰუმანური პედაგოგიკის სწავლა მნიშვნელოვანია მათი პროფესიული განვითარებისთვის…
მჯერა, რომ ეს დღე დაუვიწყარი იქნება ჩვენის სტუდენტებისთვის და კავკასიის განათლების სკოლის ყველა წარმომადგენლისთვის…
#CU #ჰუმანური_პედაგოგიკა #კავკასიის_განათლების_სკოლა
ზოგადი განათლების დაწყებითი საფეხურის მასწავლებლის მომზადების ინტეგრირებული პროგრამა
- 2025/12/14 14 დეკემბერი, 2025
